əks-əda? mən ədalı deyiləm...:-)

Bu gün tənha deyiləm, Özümləyəm. Bir yerdə şəhəri gəzdik, alış-veriş elədik. Özümə bir corab aldım. Sevindi. Yaman üşüyəndi axı. Payız da kı qapıda. Elə çinarlı küçədən keçirdik, ikimizin də başına sapsarı yarpaq düşdü, çinar yarpağı...

Özüm xatırladı ki, mən balaca olanda "kın-kın" deyə-deyə sarı çinar yarpaqlarını toplamağı sevirmişəm. Gülümsündüm. Özümün yadındadı, mənim yox. Özüm məndən böyükdü axı, məndən əvvəl dünyaya gəlib. Əvvəl gəlib ki, dünyanı sahmana salsın, mən gələnə çox qarışıqlıq olmasın, amma yenə də tənbəlliyindən işlərini bitirə bilməyib. Mən dünyaya gələndən dünya qara-qışqırıq, qarmaqarışıqdı eləcə....

Mən də bir xatirə danışdım, Özümün yadına düşmədi. Özüm onda mənim yanımda olmayıb. Elə bilib yekəlmişəm daha, tənha qoyub gedibmiş məni. Demək, nə zamansa yarpaqlarını sevdiyim o gözəlim çinarı dayım kəsəndə ona nifrət etmişdim...İllər keçib, amma mən dayımı hələ də bağışlaya bilmirəm...Nə olsun ki, "kın-kın" nəğməli yarpaqlar yadımda deyil...Mən bunsuz belə o çinarı sevirdim...

Tənha, istəyirsən sənə uşaqlıq xatirələrimdən yazım? Ya da uşaqlıq yaşantılarımdan? Böyüyəndən sonra bütün yaşantılarım bir-birinə oxşayır onsuz da...

Tənha qalan kimi Özünü çağır, harda olsa gələcək...

Bu gün tənhayam, Özüm də çıxıb getdi. İncitdim onu, bilirsən, o da küsdü getdi...

Adamı özü də tək qoyandan sonra axı başqa kimdən inciyəsən?

Mən ona heç nə demədim haaaa. Qıfildən mənə dedi ki, lap zəhləm gedir səndən, niyə beləsən axı? Mən də dedim ki, mən beləyəm də, xosun gəlmir, gedə bilərsən. O da elə bunu gözləyirmiş...çıxdı getdi...

Axı mən neyləyim ki, beləyəm?

Səni olduğun kimi olduğuna görə qınayan, söyən olubmu?

Darixanda bura yazacam. Xoshuma geldi bura. Bezdirsem, uzrlu bilin, Eks-sedani da sevdim...
Ele bilirdim, Tenhalar ve Eks-sedalar yoxdu daha. Ele bilirdim meishet qaygilari qadinlari, karyera axtarishlari kishileri deyishdirib. Ele bilirdim...
Deyesen, chox yaizram, he. Neynim melum olur ki, yazdilqarim ishde lazim deyil, demek istediklerimi demeli oldugum adama hech ne deye bilmirem, evde danishmaga adam chox (oxu - yoxdu). Herden ozum-ozume danishiram, amma pichiltiyla. Tenha olmagimi bireher sinirirem, amma tek olmagimi yox. Ele bilirem ki, tek deyilem...